Social Contract Center Youth Council

مركز العقد الاجتماعي 

حياة كريمة لكل مواطن 

 شباب العقد الاجتماعى

 أحنا مجموعة من الشباب حابين التنمية وحابين بلدنا وبنسعى نغير منها للأحسن

أتجمعنا في مركز العقد الاجتماعي وعملنا مجلس شباب العقد الاجتماعي وشعارنا إللي بنرفعه دايما "حياة كريمة لكل مواطن"

مركز العقد الاجتماعي مؤمن بقدرتنا وقدرتك على التغيير – مؤمن بأن الشباب هم الأمل وهم إللي هينموا البلد – مؤمن بأن احنا اللي ممكن نقود العملية التنموية إللي كلنا محتاجينلها

مركز العقد الاجتماعي بيعقد دايما دورات تدريبية في بناء القدرات واكتساب المهارات اللازمة للحياة بشكل عام وللعمل التنموي بشكل خاص، والمركز اختارنا احنا من بين مئات الشباب إللي دربهم عشان نعمل حاجة اسمها مجلس شباب العقد الاجتماعي، احنا عبارة عن صوتكوا انتوا واحلامكوا انتوا وطموحاتكوا انتوا

أحنا شباب بندرس حاجات مختلفة .. بس أحلامنا واحدة .. وهي اننا نحقق حياة كريمة لكل مواطن

بنتعلم دايما ونطور نفسنا بكل شيء يفيدنا في عملية التنمية .. ازاي نبحث وازاي نعرف مشاكل الناس وازاي نقدم افكار تنموية مفيدة وقابلة للتنفيذ وازاي نطرح افكارنا وازاي نتكلم ونعبر عن إللي جوانا

أحنا بنجتمع بصفة دورية مع بعض وكمان بنتواصل يوميا عن طريق الموقع ده، ياريت تتابعنا وتستفيد من المادة المطروحة في الموقع وتشاركنا بأفكارك وطموحاتك وتنضم لينا كمان عشان تحقق كل أحلامك إللي فيها خير لبلدك وناسها

مجلس شباب العقد الاجتماعي بيتغير من وقت للتاني وكل مجموعة بتسلم المسئولية لمجموعة تانية وده لأننا عايزين ننشر ثقافة العقد الاجتماعي والتنمية المستدامة لأكبر عدد مننا، يالا انضم لينا وشاركنا وخليك فاكر اننا طرف أساسي من أطراف العملية التنموية الأربعة وهم احنا والحكومة والقطاع الخاص والمجتمع المدني.

وسائل الاتصال:

مركز العقد الاجتماعي

 1 ش مجلس الشعب - القصر العينى – القاهرة

تليفون: +202-27920896

فاكس: +202-27961386

بريد الكتروني

This e-mail address is being protected from spambots. You need JavaScript enabled to view it

الموقع الالكتروني: شباب العقد الاجتماعي